आफ्नो धुरि सानो देखे पछि उ हिँड्यो (गजल)

आफ्नो धुरि सानो देखे पछि उ हिँड्यो

साहुले ऋण तिर्न चिठी लेखे पछि उ हिँड्यो

देश बनाउँछु भनि चिया पसलमा गफ दिए नि,

बढ्दो महङ्गीले ढाड सेके पछि उ हिँड्यो

अभावमा हाँस्न उसलाई परिस्थिति सिकाउँदै थियो

पाइला सार्ने पनि पैसाले छेकेपछि उ हिँड्यो

विलासी बस्तुमा रम्ने उसको प्रवृत्ति होइन

आफन्त आई फोन बोकी दैला टेकेपछि उ हिँड्यो

प्रेयसीलाई सँगै मर्ने बाच्ने कसम खुवाएकै हो

चरम महङ्गीले ढाड सेकेपछि उ हिँड्यो