दोष तिमीलाई

तिम्रो एक मुस्कानको खातिर

कोषै दौडन माहीर

मेरा यी खुट्टाहरू

तिमीलाई कल्पनामा सजाएर

तिम्रो आकृति कुदि

मुस्कुराउने ओठहरू

तिमी सँगको हरेक कुराकानीमा

शितनिन्द्राबाट ब्यूँझिएर

रमाउने यी तनहरू

तिम्रो सामीप्यतलको क्षणमा

सम्बन्ध, कारणका प्रश्न नगरि

तिमी सँग हराउने मनहरू

तिम्रा ती कहिल्यै नसकिने

बात कुरा र किस्साहरूमा

सहमति जनाउने शब्दहरू

प्रिय दोषी त यी हुन

जो कमजोर छन् टुटछन

दोष तिमीलाई म कसरी दिउ?