३ मुत्तक

देख्न त बन्द कोठाबाट ब्रमाह्ण देखिन्छ

एउटै हातले सारा चन्द्र सुर्य छेकिन्छ

भ्रमको पर्दाले आफूलाई किन महान् बनाउ

थाहा नै छ पानी परेपछि सारा रँग मेटिन्छ

*******************************

चाल्दा पहिलो पाईला जमिन भासियो

पुरा गर्न खोजेथे सपना जीवन नासियो

मेरो भाग्य हारको मसीले कोरिएर होला

आशुको सागरमा डुब्दै जीवन बाचियो

********************************

झस्किए फेरि जब तिम्रो याद आयो

त्यही आकृति मन मस्तिष्कमा छायो

रसाएथे आँखाहरू रुँदिन भन्दा भन्दै

जब गाइने दाइले हाम्रै प्रेम-गीत गायो

*******************************