लेख्ने भन्दा केरेर छोड्नेहरुको लाम छ (गजल)

लेख्ने भन्दा केरेर छोड्नेहरुको लाम छ

पुँजीवादी समाजमा प्रेमको के काम छ

औकात हेरेर जब हुन थाल्यो माया प्रेम

लखपतिको खल्तीभरि प्रेम पत्रको खाम छ

साँचो माया गर्ने कवि गजलकार बने

कोमल दिलसँग खेल्ने कै यहाँ नाम छ

खोक्रो अस्तित्व लिएर बाच्छन् मान्छे

भनि देउ माया ममता पाइने कुन ठाम छ

उसले छाडि जाँदा निरास म हुनेछैन

मेरी हो उ जबसम्म खल्तीमा दाम छ